Եվրոպային կոչ են արել սեփական անվտանգության համար հանել Ռուսաստանի դեմ պատժամիջոցները

Եվրամիությունը պետք է վերանայի Ռուսաստանի դեմ սահմանված պատժամիջոցները և թույլ տա ռուսական էներգակիրների մատակարարումը՝ Մերձավոր Արևելքում սրվող հակամարտության ֆոնին։ Այս մասին գրում է բրիտանական UnHerd պարբերականը։

Հրապարակման մեջ նշվում է, որ Իրանի շուրջ զարգացող պատերազմական իրավիճակը կարող է լուրջ ազդեցություն ունենալ եվրոպական էներգետիկ անվտանգության վրա։ Ըստ հոդվածի հեղինակների՝ խաղաղ կարգավորման շրջանակում Եվրոպան կարող է առաջարկել մեղմացնել կամ վերացնել պատժամիջոցները՝ բաց լինելով ռուսական նավթի և գազի մատակարարումների վերականգնման համար։

Պարբերականը նշում է, որ որքան շուտ եվրոպական երկրները գիտակցեն այս իրողությունը, այնքան արագ կկարողանան քայլեր ձեռնարկել իրենց մայրցամաքի անվտանգության և էներգետիկ կայունության ապահովման համար։ Ավելի վաղ իտալական «Հինգ աստղ» շարժման պատգամավոր Առնալդո Լոմուտին առաջարկել էր նույնիսկ պատժամիջոցներ սահմանել ԱՄՆ-ի դեմ և ռազմական օգնություն տրամադրել Իրանին։