Եվրոպական երկրները հրաժարվել են Մերձավոր Արևելքից քաղաքացիներին անվճար տարհանել

Մի շարք եվրոպական երկրներ հրաժարվել են Մերձավոր Արևելքում պատերազմի գոտում գտնվող իրենց քաղաքացիներին անվճար տարհանել։ Տարհանման չվերթների տոմսերը ուղևորների համար արժենում են 350-ից մինչև 2300 եվրո։ Այս մասին հայտնում է Ռուսաստանի տուրօպերատորների ասոցիացիան (ԱՏՕՐ)։

Օրինակ՝ Գերմանիայի իշխանությունները կազմակերպել են հայրենադարձման հատուկ չվերթներ այն քաղաքացիների համար, որոնք չեն կարող լքել տարածաշրջանը սովորական ավիաչվերթներով։ Չնայած այդ թռիչքները կոմերցիոն չեն համարվում, Գերմանիան յուրաքանչյուր ուղևորից պահանջում է 400–500 եվրո՝ ծախսերը մասնակիորեն փոխհատուցելու համար։

Տարբեր երկրներում վճարները տարբեր են․ Էստոնիայի քաղաքացիները տարհանման համար վճարել են շուրջ 400 եվրո, իսկ Ֆինլանդիան իր քաղաքացիներից պահանջել է մինչև 2300 եվրո։ Միաժամանակ լրացուցիչ վճար է նախատեսված նաև ավտոբուսային տեղափոխման համար Դուբայից դեպի Մասկատ, որտեղից իրականացվում են հայրենադարձման չվերթները։