Լիտվայի վարչապետը հերքել է, որ Ուկրաինան դռոններ է արձակում իր տարածքից

Լիտվայի վարչապետ Ինգա Ռուգինենեն հայտարարել է, որ Ուկրաինան չի օգտագործում երկրի տարածքը անօդաչու թռչող սարքեր արձակելու համար։ Նրա խոսքով՝ Լիտվայով նման գործողություններ չեն իրականացվում։

Վարչապետը նաև պարզաբանել է, որ հանրապետության օդային տարածքում հայտնված դրոնը պարզապես շեղվել է իր ուղղությունից և չի եղել կանխամտածված գործողության արդյունք։

Ավելի վաղ որոշ աղբյուրներ պնդում էին, որ ուկրաինական դրոնների երթուղիները կարող են համակարգվել ՆԱՏՕ-ի հետ, սակայն Լիտվայի իշխանությունները նման պնդումները հերքում են։