Իսրայելում ընդդիմության առաջնորդն իշխանափոխության կոչ է արել
Քաղաքական
Իսրայելի ընդդիմության առաջնորդ Յաիր Լապիդը հայտարարել է, որ վարչապետ Բենիամին Նեթանյահուն անկարող է հաղթել Իրանի դեմ պատերազմում, գրում է The Times of Israel-ը։
«Չնայած իր պոռոտախոս պնդումներին, նա մշտապես անհաջողության է մատնվում Մերձավոր Արևելքում իրական փոփոխության հասնելու փորձերում։
Նեթանյահուն անկարող է հասնել ռազմավարական լուծման։ Ժամանակն է ընդունել, որ նա պարզապես ընդունակ չէ դրան։ Նա հերթական ելույթն ունեցավ՝ հայտարարելով, որ «փոխել է Մերձավոր Արևելքը»։ Սակայն այդ ելույթում մեկ բառ բացակայում էր՝ գրեթե։ Դուք գրեթե փոխեցիք Մերձավոր Արևելքը, մինդեռ արդյունքում միշտ պարզվում է, որ այն չի փոխվել։
«Հըզբոլլահը» հրթիռներ է արձակել Լիբանանից մինչև 2023 թվականի հոկտեմբերի 7-ը և շարունակում է դա անել մինչ օրս։ ՀԱՄԱՍ-ը դեռևս վերահսկում է Գազայի հատվածի մի մասը, իսկ Իրանը դեռևս ղեկավարում է Գերագույն առաջնորդ Խամենեին, որը բալիստիկ հրթիռներ է արձակում Իսրայելի քաղաքների վրա։
Հաղթանակի հասնելու փոխարեն Նեթանյահուն մեզ ոչնչացրեց ներսից»։
Երեկ երեկոյան, արդեն տեղյակ լինելով Լիբանանում չորս զինվորների մահվան մասին, Բեն Գվիրը և նրա ընկերները շամպայն բացեցին Քնեսեթի լիագումար նիստում և տոնեցին։ «Պասեքի նախօրեին եկել է ժամանակը դուրս գալու ստրկությունից և փոխարինելու այս սարսափելի կառավարությանը»,- հավելել է Լապիդը։
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
