ԱՄՆ-ն և Իսրայելը կրկին հարձակվել են Սպահանի մետաղագործական գործարանի և Բուշերի օդերևութաբանական կայանի վրա
ԱՄՆ
ԱՄՆ-ն և Իսրայելը կրկին հարձակվել են Սպահանի Mobarakeh Steel մետաղագործական գործարանի վրա: Դրա մասին հայտնել է Fars-ը:
«Մի քանի րոպե առաջ ԱՄՆ-ն և Իսրայելը երկրորդ ավիահարվածն են հասցրել Սպահանի պողպատաձուլական համալիրին»,- նշված է հրապարակման մեջ։
Հարձակման են ենթարկվել նաև քաղաքացիական թիրախները և Բուշերի օդերևութաբանական կայանը։
Հիշեցնենք, որ ԱՄՆ-ն և Իսրայելը փետրվարի 28-ից ի վեր հարձակվում են Իրանի տարածքի վրա՝ պատճառելով ավերածություններ և մարդկային կորուստներ։ Ի պատասխան՝ Իրանը հրթիռային հարվածներ է հասցրել Իսրայելին և տարածաշրջանում ԱՄՆ ռազմական բազաներին։ Իսրայելի և ԱՄՆ-ի հարձակման հետևանքով զոհվել են նաև Իրանի գերագույն առաջնորդ այաթոլլա Ալի Սեյեդ Խամենեին և այլ բարձրաստիճան պաշտոնյաներ։
Մարտի 2-ին Իսրայելի դեմ պատերազմին միացել է նաև «Հըզբոլլահը»։ Իսրայելը հայտարարել է շարժման դեմ հարձակման մեկնարկի մասին և մտել է հարավային Լիբանան։
Մարտի 23-ին ԱՄՆ նախագահ Դոնալդ Թրամփը հայտարարել է, որ Իրանի հետ բանակցությունները կշարունակվեն մեկ շաբաթ՝ հավելելով, որ ռազմական հարվածները հետաձգվել են հինգ օրով։ Սակայն Իրանը հերքել է այս տեղեկությունը, իսկ Իսրայելը՝ մերժել Թրամփի առաջարկը։
ՈՒՂԻՂ ԵԹԵՐ
Ամենադիտված 
Մահացել է Երասխի միջնակարգ դպրոցի սան Վահե Մարգարյանը
