Թրամփը հայտնել է Իրանի դեմ ռազմական գործողությունն ավարտելու վերջնաժամկետը

Միացյալ Նահանգները, ենթադրաբար, կավարտի Իրանի դեմ իր ռազմական գործողությունը երկու-երեք շաբաթվա ընթացքում։ Այս մասին հայտարարել է ԱՄՆ նախագահ Դոնալդ Թրամփը Սպիտակ տանը լրագրողների հետ զրույցի ժամանակ։

«Կարծում եմ՝ մենք կհեռանանք երկու-երեք շաբաթվա ընթացքում, քանի որ մեզ համար դրանով զբաղվելու որևէ պատճառ այլևս չկա», - ասել է ամերիկացի առաջնորդը՝ անդրադառնալով Իսլամական Հանրապետության դեմ ռազմական գործողությանը։

Նա նաև պնդել է, որ Միացյալ Նահանգները կավարտի այս արշավը՝ անկախ նրանից՝ Թեհրանը կհամաձայնի արդյոք Վաշինգտոնի հետ, թե ոչ։