Թրամփը ՆԱՏՕ-ին մեղադրում է անգործության մեջ․ Ուկրաինան ներկայացրել է որպես օրինակ
ԱՄՆ
ԱՄՆ նախագահ Դոնալդ Թրամփը կոշտ քննադատության է ենթարկել եվրոպական ՆԱՏՕ գործընկերներին՝ մեղադրելով նրանց Օրմուզի նեղուցի շուրջ ստեղծված իրավիճակում Վաշինգտոնին չաջակցելու համար։ The Telegraph-ի փոխանցմամբ՝ նա հայտարարել է, որ դաշինքը չի արդարացրել սպասումները և նույնիսկ անվանել է այն «թղթե վագր»՝ կրկին բարձրացնելով ԱՄՆ-ի հնարավոր դուրս գալու հարցը ՆԱՏՕ-ից։
Թրամփը իր ելույթում օրինակ է բերել Ուկրաինան՝ ընդգծելով, որ ԱՄՆ-ը մշտապես աջակցել է նրան, մինչդեռ եվրոպական գործընկերները չեն ցուցաբերել նույն վերաբերմունքը Ամերիկայի նկատմամբ։ Նա նշել է, որ Իրանի կողմից Օրմուզի նեղուցի փաստացի փակումը, որով անցնում է համաշխարհային նավթի մոտ 20 տոկոսը, պահանջում էր համատեղ արձագանք, սակայն դաշնակիցները չեն միացել ԱՄՆ-ին։
Ամերիկացի առաջնորդը շեշտել է, որ եվրոպական երկրները չեն արդարացրել ԱՄՆ-ի երկարամյա ռազմական աջակցության դիմաց ակնկալիքները՝ այդ թվում Ուկրաինային տրամադրված օգնության հարցում։ Միևնույն ժամանակ, ՌԴ նախագահ Վլադիմիր Պուտինը հայտարարել է, որ ԱՄՆ–Իրան հակամարտության հետևանքները կարելի է համեմատել համավարակի հետ՝ ընդգծելով, որ դրա զարգացումները դժվար է կանխատեսել ինչպես հակամարտող կողմերի, այնպես էլ արտաքին աշխարհի համար։
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
