ԵՄ-ը փորձում է շրջանցել վետոն․ Ուկրաինային նախատեսվում է հատկացնել 45 մլրդ եվրո

Եվրահանձնաժողովը առաջարկել է Ուկրաինային ֆինանսավորում տրամադրել՝ շրջանցելով Հունգարիայի և Սլովակիայի կողմից արգելափակված որոշումները։ Խոսքը վերաբերում է 45 միլիարդ եվրոյի հատկացմանը, որը նախատեսվում է ուղղել անօդաչու տեխնոլոգիաների զարգացմանը մինչև 2026 թվականի վերջը։

Նշվում է, որ ընդհանուր ֆինանսական փաթեթը կազմում է մոտ 90 միլիարդ եվրո, որի մնացած մասը նախատեսվում է հատկացնել հաջորդ փուլում։ Այս քայլը նպատակ ունի ապահովել աջակցությունը Կիևին՝ նույնիսկ այն պայմաններում, երբ ԵՄ ներսում որոշ երկրներ շարունակում են խոչընդոտել միասնական որոշումների ընդունմանը։

Բացի այդ, Բրյուսելը Ուկրաինային առաջարկել է ընդունել 11 օրենսդրական նախաձեռնություն՝ լրացուցիչ շուրջ 4 միլիարդ եվրո ստանալու համար՝ նույնպես վետոյի շրջանցմամբ։ ԵՄ-ում նշում են, որ այս քայլերը կարևոր են՝ ցույց տալու Ուկրաինայի պատրաստակամությունը շարունակել բարեփոխումները և առաջ շարժվել դեպի եվրոպական ինտեգրում։