Եվրոպան արագացնում է պահեստային պլանի մշակումը Թրամփի՝ ՆԱՏՕ-ից դուրս գալու դեպքում

«Եվրոպական ՆԱՏՕ» ստեղծելու գաղափարը Եվրոպայում թափ է հավաքում ԱՄՆ նախագահ Դոնալդ Թրամփի կողմից դաշինքից դուրս գալու սպառնալիքների ֆոնին, հաղորդում է The Wall Street Journal-ը՝ հղում անելով աղբյուրներին։

Այս ծրագրերի վրա աշխատող պաշտոնյաները նպատակ ունեն դաշինքի հրամանատարական և վերահսկողական գործառույթներում ավելի շատ եվրոպացիների ներգրավել և ամերիկյան ռազմական ռեսուրսները լրացնել իրենց սեփական ռեսուրսներով։

Քննարկումների մասնակիցների խոսքով՝ պահեստային ծրագիրը մշակվում է ոչ պաշտոնական եղանակով՝ Հյուսիսատլանտյան դաշինքի շրջանակներում և դրա շուրջ զուգահեռ քննարկումների և ընթրիքների ժամանակ, և այն նախատեսված չէ ներկայիս դաշինքի հետ մրցակցելու համար։