Թրամփը կրկին «հարձակվել է» Հռոմի պապի վրա

ԱՄՆ նախագահ Դոնալդ Թրամփն իր TruthSocial էջում կրկին դիմել է Հռոմի պապ Լևոն XIV-ին՝ Իրանում ԱՄՆ գործողությունների քննադատության ֆոնին։

Նախագահը խնդրել է Լևոն XIV-ին բացատրել, որ Իրանը սպանել է «առնվազն 42 000 անմեղ, լիովին անզեն ցուցարարների վերջին երկու ամիսների ընթացքում»։ Թրամփը նաև հայտարարել է, որ Իրանի կողմից միջուկային ռումբի առկայությունը «բացարձակապես անընդունելի է»։

Ապրիլի 12-ին Հռոմի պապ Լևոն XIV-ը կոչ է արել դադարեցնել պատերազմը Իրանում և խաղաղ ճանապարհով լուծել հակամարտությունը։ Նա ընդգծել է, որ պատերազմը սնվում է «ամենազորության պատրանքով»։ Թրամփը հայտարարել է, որ Հռոմի պապ Լևոն XIV-ը Վատիկանում չէր լինի, եթե Միացյալ Նահանգները չլիներ։ Ամերիկայի նախագահը նաև ասել է, որ չի ցանկանում, որ Հռոմի պապը աջակցի Իրանի կողմից միջուկային զենքի ձեռքբերմանը։

Ի պատասխան՝ Հռոմի պապն ասել է, որ չի վախենում Սպիտակ տան վարչակազմից և կշարունակի խոսել Իրանի պատերազմի մասին։