ԱՄՆ ռազմաօդային ուժերը գործարկել են արհեստական բանականությամբ WarMatrix համակարգը

ԱՄՆ ռազմաօդային ուժերը (ՎВС) գործարկել են WarMatrix համակարգը՝ տեղափոխելով այն օպերատիվ կիրառման փուլ։ Այս մասին հայտնում է Defense News-ը՝ նշելով, որ նոր համակարգը նախատեսված է ռազմական պլանավորման և որոշումների կայացման գործընթացը կտրուկ արագացնելու համար։

WarMatrix-ը արհեստական բանականության վրա հիմնված «ռազմական խաղերի ակտիվ միջավայր» է, որը համադրում է առկա մոդելները, տվյալներն ու աշխատանքային գործընթացները։ Աղբյուրի համաձայն՝ համակարգը հնարավորություն է տալիս ստեղծել սիմուլյացիաներ մինչև 10 հազար անգամ ավելի արագ, քան իրական ժամանակում անցկացվող վարժանքները, ինչը զգալի առավելություն է տալիս վերլուծության և ռազմավարական որոշումների կայացման մեջ։

Առաջին կիրառումը տեղի է ունեցել մարտի 27-ին՝ Վիրջինիայի Ալեքսանդրիա քաղաքում անցկացված երկշաբաթյա զորավարժությունների ընթացքում, որոնց մասնակցել են ավելի քան 150 մասնագետ՝ ներառյալ տեխնիկական փորձագետներ, ռազմաօդային ուժերի ղեկավարներ և դաշնակից երկրների պլանավորողներ։ Միաժամանակ ամերիկյան պաշտոնյաները նշում են, որ արհեստական բանականության նման գործիքները ապագայում կարող են թույլ տալ հայտնաբերել և ոչնչացնել ցանկացած թիրախ աշխարհի ցանկացած կետում ընդամենը մի քանի րոպեի ընթացքում։