Բժիշկը բացատրել է՝ ինչն է խանգարում մարդկանց անցնել ճիշտ սննդակարգի

Բժիշկ Անդրեյ Մարտյուսև-Պոկլադը հայտարարել է, որ շատերի համար ճիշտ սննդակարգի անցումը դժվար է մի շարք պատճառներով՝ հնացած խորհուրդներից մինչև հոգեբանական և սոցիալական գործոններ։ Նրա խոսքով՝ «ճիշտ սնունդ» հասկացությունն այսօր վիճելի է, քանի որ գործող պաշտոնական ուղեցույցները ձևավորվել են դեռևս 30 տարի առաջ և հաճախ հակասում են ժամանակակից գիտությանը։

Նա նշել է, որ սննդակարգի վերաբերյալ պատկերացումները փոխվել են․ եթե նախկինում շեշտը դրվում էր բուսական մթերքների վրա, ապա այժմ ավելի մեծ ուշադրություն է դարձվում կենդանական սպիտակուցներին և հավասարակշռված մոտեցմանը։ Բժիշկը նաև զգուշացրել է, որ որոշ մթերքների սահմանափակումը կարող է հանգեցնել կարևոր նյութերի պակասի և նյութափոխանակության խանգարումների։

Բացի այդ, սննդակարգի փոփոխությանը խոչընդոտում են նաև հոգեբանական և սոցիալական գործոնները։ Մարդիկ հաճախ օգտագործում են սնունդը որպես հաճույքի կամ սթրեսի հաղթահարման միջոց, իսկ շրջապատը և հասանելի սնունդը նույնպես ազդում են ընտրության վրա։ Նրա կարծիքով՝ խնդիրը լուծելու համար անհրաժեշտ է ոչ միայն անձնական ջանք, այլև լայնածավալ կրթական և պետական մոտեցում։