ՌԴ. Եվրամիությունը միտումնավոր ձգձգում է Ուկրաինայի շուրջ բանակցությունները

Ռուս քաղաքագետ և հրապարակախոս Գեորգի Դիբրովը հայտարարել է, որ եթե Եվրամիությունն իսկապես ցանկանար բանակցություններ Ուկրաինայի հարցով, ապա կնշանակեր հանդիպման հստակ վայր և ժամանակ, այլ ոչ թե կշարունակեր զինել Կիևին։ Այս մասին նա ասել է «Лента.ру»-ին՝ մեկնաբանելով Գերմանիայի կանցլեր Ֆրիդրիխ Մերցի հայտարարությունները Ռուսաստանի վրա ճնշում գործադրելու մասին։

Դիբրովի կարծիքով՝ եվրոպացի առաջնորդների նման հայտարարությունները նպատակ ունեն արդարացնելու Ուկրաինային ցուցաբերվող թանկարժեք աջակցությունը։ Նա նշել է, որ Բեռլինի ներկայիս քաղաքականությունը փաստացի նշանակում է հրաժարում դիվանագիտությունից և հակամարտությունը երկար տարիներ ռազմական ճանապարհով լուծելու փորձ։

Քաղաքագետի խոսքով՝ Եվրամիության նպատակը Ռուսաստանի տնտեսության վրա բազմակողմանի ճնշում գործադրելն է՝ երկիրը տնտեսական ճգնաժամի հասցնելու համար։ Միաժամանակ նա ընդգծել է, որ հակառուսական պատժամիջոցները վնասում են նաև հենց եվրոպական երկրներին։ Ավելի վաղ Ֆրիդրիխ Մերցը հայտարարել էր, որ Եվրոպան ուժեղացնում է ճնշումը Ռուսաստանի նկատմամբ՝ Մոսկվային բանակցությունների մղելու նպատակով։