ABC News․ Զելենսկին և Նեթանյահուն կփորձեն ստանալ Թրամփի աջակցությունը

ԱՄՆ նախագահ Դոնալդ Թրամփի հետ Սպիտակ տանը նախատեսված հանդիպումների ընթացքում Ուկրաինայի նախագահ Վլադիմիր Զելենսկին և Իսրայելի վարչապետ Բենիամին Նեթանյահուն կփորձեն նրա ուշադրությունը հրավիրել իրենց երկրների առջև ծառացած հակամարտություններին՝ նպատակ ունենալով ապահովել Վաշինգտոնի հետագա աջակցությունը։ Այս գնահատականը ներկայացրել է ABC News-ը։

Հեռուստաընկերության տեղեկություններով՝ հանդիպումները երկու առաջնորդներին հնարավորություն կտան ներկայացնել իրենց առաջնահերթությունները մի ժամանակաշրջանում, երբ ԱՄՆ քաղաքականությունը թե՛ ռուս-ուկրաինական պատերազմի, թե՛ Իրանի հարցում շարունակում է մնալ անորոշ։

ABC News-ը նաև հայտնում է, որ ամերիկացի բարձրաստիճան պաշտոնյաները քննարկում են ԱՄՆ-ի և Իրանի միջև հնարավոր լարվածության սրման ազդեցությունը Պենտագոնի սպառազինության պաշարների վրա, մասնավորապես՝ Patriot հակաօդային պաշտպանության համակարգերի, որոնք կարևոր նշանակություն ունեն նաև Ուկրաինայի պաշտպանության համար։