WSJ․ Թրամփը լավատեսորեն է գնահատում Ուկրաինայի հարցով խաղաղ համաձայնագրի հնարավորությունը

ԱՄՆ նախագահ Դոնալդ Թրամփը լավատեսորեն է գնահատում Ուկրաինայի հակամարտության խաղաղ կարգավորման վերաբերյալ համաձայնության հասնելու հնարավորությունը։ Այս մասին հայտնում է The Wall Street Journal-ը՝ հղում անելով Սպիտակ տան աղբյուրին։

Պարբերականի զրուցակցի խոսքով՝ Թրամփը պատրաստ է կառուցողական դեր ունենալ խաղաղ գործընթացում և համագործակցել ինչպես Ուկրաինայի, այնպես էլ Ռուսաստանի հետ՝ հակամարտության կարգավորման ուղղությամբ։ Աղբյուրը նշել է, որ ամերիկացի նախագահը դրական է գնահատում բանակցությունների հաջող ավարտի հեռանկարները։

Հրապարակման համաձայն՝ Թրամփը նախկինում Ռուսաստանի նախագահ Վլադիմիր Պուտինին հայտնել էր, որ ցանկանում է հասնել ռուս-ուկրաինական պատերազմի խաղաղ կարգավորմանը։ Ավելի վաղ լրատվամիջոցները նաև գրել էին, որ ԱՄՆ նախագահը սկզբնական շրջանում ենթադրում էր, թե ռուսական զինված ուժերը ռազմական առավելություն կունենան Ուկրաինայում։