Ալիկ Ալեքսանյանի կալանքը երկարաձգվել է

«Ուժեղ Հայաստան» նախաձեռնության համահիմնադիր Ալիկ Ալեքսանյանի նկատմամբ կիրառված կալանքը դատարանի որոշմամբ երկարաձգվել է ևս երկու ամսով։ Այս մասին տեղեկացրել է նրա փաստաբանը։

Հիշեցնենք, որ Քննչական կոմիտեի հաղորդագրության համաձայն՝ Ալեքսանյանը կասկածվում է, որ 2025 թվականի սեպտեմբերից մինչև 2026 թվականի մայիսն ընկած ժամանակահատվածում «Ուժեղ Հայաստան» կուսակցության և «Մեր ձևով» շարժման հանրային միջոցառումներին ու հավաքներին մասնակիցների ներգրավման նպատակով ծառայությունների մատուցման պայմանագրերի հիման վրա «Մեր ձևով» ՀԿ-ի գրասենյակներում ձևական աշխատանքի է ընդունել շուրջ 1400 քաղաքացու։ Ըստ ՔԿ-ի՝ նրանցից ավելի քան 400-ը միաժամանակ աշխատել են նաև այլ կազմակերպություններում։