ՌԴ-ում «Արբատ»-ի հիմնադիր Արմեն Սարգսյանի մահվան գործով Վարաժ Մանուկյանը դատապարտվել է 22 տարվա ազատազրկման

Ռուսական ռազմական դատարանը Մոսկվայի «Ալ առագատներ» բնակելի համալիրում տեղի ունեցած ահաբեկչական հարձակման գործով մեղադրվող Վարաժ Մանուկյանին դատապարտել է 22 տարվա ազատազրկման։ Այս մասին հայտնում է Meduza-ն։

Մանուկյանը մեղավոր է ճանաչվել ահաբեկչության և պայթուցիկ նյութերի ապօրինի շրջանառության վերաբերյալ հոդվածներով։ Դատարանը նաև որոշել է առգրավել նրա ավտոմեքենան և նշանակել 500 հազար ռուբլու չափով տուգանք։

Քննության վարկածի համաձայն՝ Մանուկյանն ապահովել է ահաբեկչության ժամանակ օգտագործված ինքնաշեն պայթուցիկ սարքի տեղափոխումն ու փոխանցումը մյուս մասնակիցներին, ինչի միջոցով էլ իրականացվել է հարձակումը։

Բնակելի համալիրում ահաբեկչական հարձակումը տեղի էր ունեցել 2025 թվականի փետրվարին, երբ շենքի մուտքում գործարկվել էր ինքնաշեն պայթուցիկ սարք։ Պայթյունի հետևանքով զոհվել էր «Արբատ» գումարտակի հիմնադիր Արմեն Սարգսյանը։

Քննության տվյալներով՝ պայթուցիկ սարք է եղել նաև հարձակման մեկ այլ մասնակցի՝ Պարույր Մաթևոսյանի մոտ։ Նա մոտեցել էր Սարգսյանին և մահացել պայթյունի հետևանքով։