Կիևում փոխհրաձգություն է տեղի ունեցել․ Բուդանովը խոսել է միջադեպի մասին

Ուկրաինայի նախագահի գրասենյակի ղեկավար Կիրիլ Բուդանովն արձագանքել է Կիևում տեղի ունեցած փոխհրաձգությանը՝ հայտարարելով, որ միջադեպով զբաղվում են Պետական հետաքննությունների բյուրոն և Ուկրաինայի գլխավոր դատախազի գրասենյակը։

«Ոչ ոք իրավունք չունի անպատիժ առևանգել զինծառայողների, կրակ բացել մեր քաղաքների փողոցներում, ինչպես նաև հանցավոր հրամաններ տալ և կատարել»,- հայտարարել է Բուդանովը։

Ավելի վաղ «Страна.ua»-ն հայտնել էր, որ Կիևում Ուկրաինայի պաշտպանության նախարարության Գլխավոր հետախուզական վարչության և Անվտանգության ծառայության աշխատակիցների միջև տեղի ունեցած փոխհրաձգությունը կարող էր կապված լինել խարդախությամբ զբաղվող զանգերի կենտրոնների նկատմամբ վերահսկողության համար պայքարի հետ։

Պաշտոնապես փոխհրաձգության պատճառների վերաբերյալ վերջնական տեղեկություն դեռ չի հրապարակվել։