Միայն մեկ դատավարություն՝ այն էլ՝անարդյունք

<<Տեր Եսայի քահանա  Արթենյանի գրական հացն ընդդեմ Եհովայի վկաների.....>> ստացել է նոր ընթացք:

 Այս մասին այսօր լրագրողներին մանրամասներ է հաղորդել այդ գործով փաստաբան Վարդուհի Էլբակյանը:

 Բանն այն է, որ դատավարությունը ամեն անգամ որևէ միջնորդությամբ՝ չի կայանում:    Վերջին դատալսման ժամանակ Եհովայի վկաները ներկայացրել են Կանադայից հրավիրված նոր դատապաշտպանին:  Վերջինս Հայաստանի փաստաբանների պալատի կողմից հավատարմագրված է, սակայն պալատի անդամը չէ: 

-Հակառակ կողմի ներկայացրած ընդդեմ հայցը մեզ թևաթափ չի անում:Մեր հայցն ընդդեմ Անդրանիկ Մակվեցյանի ավելի քան արդարացված է և մենք չենք ասում, որ չի լինելու մրցակցային դատավարություն, ու չենք զիջելու մեր դիրքերը,-ասում է Վարդուհի Էլբակյանը:

Նա նաև նշում է, որ իրենք չեն ուզում <<կպնել>> նրա անմեղության կանխավարկածին, բայց նրա կատարած հանցանքի քննությունը կատարվել է օրենքով սահմանված կարգով:

Վ.Էլբակյանը բողոքում է, որ այսպիսի պարզունակ դատավարությունն անհեթեթ պատճառներով արդեն ամիս ու կես ձգձգվում է: Դեռ միայն մեկ դատավարություն է ընթացել դատաքննությամբ, բայց դա էլ՝ անարդյունք:

  -Եթե հակադիր կողմը ուներ նոր փաստաբանի հրավիրելու մտադրություն, ապա կարող էր դա անել դատի սկզբում:

 Փաստաբանը ցավով է նշում, որ Հայաստանում հոգեորսության մասին օրենքը չի ընդունված, թեև ԱԺ -ում արդեն քննարկում են այն ընդունելու հարցը: Ավելին ՝ մենք ունենք 1991 թ. օգոստոսի 17-ին ընդունված խղճի ու կրոնի ազատության մասին օրենք:

Վարդուհի Էլբակյանը  կարծում է, որ սա փոփոխության ենթակա օրենք է: