Պաշտոնանկություններով ժողովրդավարության չես հասնի

Այսօր «Տեսակետ» մամուլի ակումբի հյուրը թուրքագետ Հակոբ Չաքրյանն էր։  «Իշխանությունները արաբական երկրներում տեղի ունեցող պաշտոնանկություններով ժողովրդավարության չեն հասնի»,– Հայաստանի և արաբական երկրների ներքաղաքական իրավիճակի նմանություններին անդրադառնալիս հայտարարեց թուրքագետ Հակոբ Չաքրյանը։  Նրա կարծիքով Մուբարաքը ղեկավարում էր մի բանակ, որը դեռ մնացել է և ոչ մի նոր ղեկավար ուժ դեռ չկա՝  բացի այդ բանակից, որ նրա ժառանգությունն է, իսկ Քադաֆին, որին ծեծելով սպանեցին, ապացույց է այն բանի, որ ծեծ ու ջարդով մարդ սպանելը երբեք ժողովրդավարության չի հանգեցնի։

«Նույնն էլ Հայաստանում ժողովրդի  բարելավման չի հանգեցնի մեր քաղաքական դեմքերի հրաժարականները»,– ասաց Հակոբ Չաքրյանը։ «Եթե դրսից մի մարդ առաջ ստանում էր հարյուր դոլար ինչ–որ բան առնելու համար ու առնում էր, այսօր դա ավելի բարդ է, որովետև դոլարի ու դրամի փոխարժեքի պատճառով ամեն հարյուր դոլարի մեջ մի կլորիկ գումար ստահակ պաշտոնյաների գրպանն է գնում, իսկ սա համատարած կամայականությունների ու բարձիթողության աապացույց է, այս եղանակով ժողովրդավարության հասնելն անհնար եմ համարում», եզրափակեց թուրքագետը։