Ն. Զուլոյան. «Չվարկաբեկենք վաստակաշատ և բարեխիղճ բժիշկներին»
Բլոգոսֆերա
ՀՀ առողջապահության նախարարություն «Առողջապահական ԾԻԳ» Պետական Հիմնարկի տնօրեն Նելսոն Զուլոյանը ֆեյսբուքյան իր էջում գրել է.
«Վերջին շրջանում ականատես ենք լինում որոշ անհատների կամ լրատվամիջոցների անհիմն մեղադրանքների և վարկաբեկման փորձերի ընդդեմ առողջապահական ոլորտի և բժիշկների:
Իհարկե, խորը կարեկցանքով ենք մոտենում բոլոր այն ընտանիքներին, որտեղ ողբերգություն է պատահել, անկախ այն հանգամանքից թե ում մեղքով է դեպքը տեղի ունեցել:
Չպետք է մոռանալ, որ հարյուրավոր բժիշկներ հենց այս պահին բարեխղճորեն կատարում են իրենց ամենօրյա աշխատանքը՝ մարդկանց կյանքի և առողջության պահպանումն ու ամրապնդումը:
Վստահ եմ, որ հենց այս վայրկյանին մի կյանք փրկվեց կամ լույս աշխարհ եկավ:
Անհրաժեշտ է վերականգնել առողջապահության համակարգի և հասարակության կապը և լրագրողների դերն այս գործընթացում առանցքային է:
Գուցե արդյունավետ լինի լրագրողների համար ճանաչողական այցեր կազմակերպել և ներկայացնել աշխատանքների մանրամասները տեղում' ժամանակակից չափանիշներին համապատասխան արդիականացված բուժհաստատություններում, որտեղ կարևորվում են մարդկանց կյանքը և առողջությունը»:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
