ԵԱՏՄ երկրների ֆուտբոլիստները Ռուսաստանի առաջնությունում կշարունակեն համարվել լեգեոներներ

Ռուսաստանի Պրեմիեր լիգայի գործադիր տնօրեն Սերգեյ Չեբանը տեղեկացրել է, որ Եվրասիական տնտեսական միության անդամ պետությունների ֆուտբոլիստները ՌԴ ընթացիկ առաջնությունում չեն դադարի համարվել լեգեոներ:

Ավելի վաղ մամուլում տեղեկությունների էին տարածխվել, որ հաջորդ մրցաշրջանից Ռուսաստանի առաջնությունում լեգեոների կարգավիճակ այլևս չեն ունենա ԵԱՏՄ երկրների ֆուտբոլիստները: ԵԱՏՄ անդամ են բացի Ռուսաստանից՝ Հայաստանը, Բելառուսը, Ղազախստանը և Ղրղզստանը:

Նշենք` հոկեյի աշխարհամասյին լիգայի (КХЛ) որոշմամբ՝ այս մրցաշրջանից Հայաստանի, Ղազախստանի, Բելառուսի և Ղրղզստանի հոկեյիստները դադարում են ՌԴ առաջնությունում լեգեոներ համարվելուց:

«Հոկեյի աշխարհամասային լիգայի (КХЛ) ԵԱՏՄ խաղացողների հետ կապված որոշումն ընդունվել է ՌԴ սպորտի նախարարության հետ համատեղ: Մեզ ոչինչ չի խանգարում հաջորդ մրցաշրջանից անհրաժեշտության դեպքում դիտարկել այդ հարցը: Անհրաժեշտ է գնահատել, նման որոշումն արդյոք կազդի թիմերի հավաքագրման վրա: Դա կարող է տեղի ունենալ միայն հաջորդ մրցաշրջանից: Այժմ աշխատում ենք այն կանոնակարգով, որն առկա է»,- Չեբանի խոսքը մեռջբերում է Championat.com:

Նշենք, որ Ռուսաստանի առաջնությունում լեգեոներների նկատմամբ գործող սահմանափակման համաձայն ակումբների մեկնարկային կազմում լեգեոներների թիվը չպետք է գերազանցի 6-ը: