Առաջիկա երկու տարիները կարող են ամենատաքը դառնալ պատմության մեջ. գիտնականներ
Գիտություն և Մշակույթ
Առաջիկա երկու տարիները կարող են աշխարհում ամենատաքը դառնալ դիտարկումների ողջ պատմության ընթացքում: Այդ մասին, ինչպես տեղեկացնում Է «Արմենպրես»-ը, ասված Է Մեծ Բրիտանիայի օդերեւութաբանական բյուրոյի հրապարակած զեկույցում:
Միջին ջերմաստիճանի բարձրացումը պայմանավորված Է ածխաթթվային գազի արտանետումների ավելացման հետեւանքներով եւ օվկիանոսային բնական գործընթացներով: Այդ գործընթացներից գլխավորը այսպես կոչված Էլ Նինյոն Է՝ Խաղաղ օվկիանոսի հասարակածային մասում ջրի վերին շերտի ջերմաստիճանի փոփոխումը, երբ տաքացած ջրի մի մասը տեղափոխվում Է դեպի արեւելք: Էլ Նինյոն, որի շրջափուլը միջին հաշվով կազմում Է հինգ տարի, Էական ազդեցություն Է գործում կլիմայի վրա՝ անձրեւների պատճառ դառնալով նախկին չորային տարածաշրջաններում եւ երաշտի պատճառ՝ նախկինում անձրեւային շրջաններում:
Գիտնականները կանխատեսում են, որ 2015 եւ 2016 թվականին Ասիան եւ Ավստրալիան կտուժեն երաշտից այն դեպքում, երբ Հյուսիսային եւ Հարավային Ամերիկային սաստիկ անձրեւներ են սպասում:
Եվրոպայի հյուսիսում ամառը, ինչպես սպասվում Է, առաջիկա տրիներին կլինի զով: Օդերեւութաբանների կանխատեսումների համաձայն՝ այս ձմեռը Մեծ Բրիտանիայում կարող Է ռեկորդային ցուրտ լինել, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
