Հրդեհներ խոտածածկ տարածքներում

Սեպտեմբերի 15-16-ը ՀՀ ՏԿԱԻՆ ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես` Երևանի Մարշալ Բաբաջանյան փողոցում այրվել է 3000 քմ խոտածածկույթ, Մուշ թաղամասում` Հայկական Կարմիր խաչի ընկերության մոտակայքում` 1000 քմ:

Էջմիածին-Արմավիր ավտոճանապարհի 2-րդ կմ-ում՝ կամրջի մոտակայքում` 3000 քմ, Էջմիածին-Մարգարա ավտոճանապարհի 1-ին կմ-ին` 2000 քմ, Կոտայքի մարզի Ձորաղբյուր գյուղի 6-րդ փողոցում՝ լճի մոտակայքում` 1000 քմ, Նորգեղի գյուղի հին գերեզմանատան մոտակայքում` 1500 քմ, Գողթ գյուղի գերեզմանատանն` 2000 քմ, Կոտայք գյուղի ջրովի այգիների հարակից տարածքում` 1 հա, Աբովյան քաղաքի 4-րդ միկրոշրջանի տներից մեկի մոտակայքում` 1700 քմ, Գեղարքունիքի մարզի Ակունք գյուղի Շահումյան 1-ին նրբանցքի տներից մեկի մոտակայքում` 150 հակ պահեստավորված խոտ, Արագածոտնի մարզի Աշտարակ քաղաքի Կոմիտասի անվան այգում` 1500 քմ, Արտաշավան գյուղում՝ Տառերի հուշարձանի մոտակայքում` 3000 քմ, Արարատի մարզի Քաղցրաշեն գյուղի գերեզմանատան մոտակայքում` 200 քմ, Տավուշի մարզի Ակնաղբյուր գյուղի մոտակայքում`1.1 հա, Վայոց ձորի մարզի Եղեգնաձոր քաղաքի «Մեշա» կոչվող հանդամասի տարածքում` 3000 քմ,

Բոլոր հրդեհները հրշեջ-փրկարարները մեկուսացրել են և մարել: