Մեկնարկեց «Կրթություն և կարիերա EXPO 2011»–ը

Այսօր՝ ժամը 12.00-ին, «Մոսկվայի Տանը» մեկնարկեց «Կրթություն և կարիերա EXPO 2011» միջազգային մասնագիտացված ցուցահանդեսը, որը Հայաստանում անցկացվում է 12-րդ անգամ։ 

Ցուցահանդեսը գործելու է մինչև նոյեմբերի 17-ը՝ երեք օրվա ընթացքում դիմորդներին և ուսանողներին տրամադրելով անհրաժեշտ տեղեկատվություն կրթության կարևոր ոլորտների վերաբերյալ։ Ցուցահանդեսը կոչված է նպաստելու կրթօջախների և ձեռնարկությունների միջև գործնական կապերի հաստատմանն ու ամրացմանը, տեղեկացնելու աշխատաշուկայում առավել պահանջարկ ունեցող մասնագիտությունների մասին և կազմակերպելու հանդիպումներ գործատուների և աշխատանք որոնողների միջև։

Ցուցահանդեսին մասնակցում են Հայաստանում գործող բազմաթիվ կրթօջախներ՝ քոլեջներ, բուհեր, ուսումնական կենտրոններ, ինչպես նաև միջազգային դոնոր կազմակերպություններ։