«Փաստ». Վարչապետի խորհրդականի կինը ամուսնուց հարուստ է

«Փաստ» օրաթերթը գրում է.

«Վարչապետի խորհրդական Էդուարդ Ներսիսյանի կինը 25 միլիոն դրամի չափով շահաբաժին ունի։ Այս մասին տեղեկանում ենք Ներսիսյանի կնոջ՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից։
Ինքը՝ Էդուարդ Ներսիսյանը, հայտարարագրել է միայն 3 հազար ԱՄՆ դոլար դրամական միջոցներ և 17 միլիոն 700 հազար դրամ տարեկան եկամուտներ, որոնք ստացվել են երկու տարբեր աշխատավարձերից։
Ներսիսյանի կինը՝ Անուշ Աթայանը, ինչպես վերևում նշել ենք 25 միլիոն դրամի չափով շահաբաժին է ունեցել նախորդ տարի, իսկ իր տարեկան աշխատավարձն էլ կազմել է 4 միլիոն 870 հազար դրամ։ Պաշտոնյայի կինը նաև հայտարարագրել է 28 հազար 110 ամերիկյան դոլար և 881 հազար 800 դրամ դրամական միջոցներ։
Ըստ պաշտոնական կենսագրության՝ Էդուարդ Ներսիսյանը ինժեներ–էլեկտրատեխնիկի որակավորում ունի։ Սրանից բացի Ռուսաստանում ճարտարագետ–հետազոտողի մասնագիտություն է ստացել։ 2001 թ. եղել է Էներգետիկայի նախարարի խորհրդական, իսկ 2001–11 թթ. աշխատել «ՀայՌուսգազարդ» ՓԲԸ–ում որպես արտաքին կապերի բաժնի պետ, այնուհետև էլ՝ արտահանման, ներմուծման և արտաքին կապերի վարչության պետ»։

Շարունակությունը' «Փաստ» օրաթերթի այսօրվա համարում: