Չունեինք A, B, C, D, E, F, G, բայց ունեինք L, M, N, O, P. Մոուրինյուն` հաղթանակի և թիմի կազմի մասին

«Մանչեսթեր Յունայթեդ»-ի գլխավոր մարզիչ Ժոզե Մոուրինյուն «Միդլսբրո»-ի դեմ խաղից հետո նշել է, որ գոհ է իր թիմի ցուցադրած խաղից:

Խոսելով կազմի մասին մարզիչը նշել էր` կարևորել է այն փաստը, որ Եվրոպայի լիգայի 1/8 եզրափակչի պատասխան խաղից հետո որոշ ֆուտբոլիստներ հոգնածություն են ունեցել:

«Ֆուտբոլիստների մոտեցումը խաղին` հիանալի էր: Մենք չունեինք  A, B, C, D, E, F, G, բայց ունեինք L, M, N, O, P, և այդ տղաները ամեն ինչ արեցին հաղթելու համար: Պետք է հաշվի առնեինք, որ որոշ ֆուտբոլիստներ ավելի թարմ էին, քանի որ չէին խաղացել «Ռոստով»-ի դեմ հանդիպմանը, իսկ ոմանք էլ հոգնած էին: Այս հաղթանակը շատ կարևոր էր թիմային ոգու համար: Մենք ունենք վնասվածք ստացած, որակազրկված, շատ հոգնած ֆուտբոլիստներ:

Ֆանտաստիկ  արդյունք է. մեկ շաբաթվա ընթացքում մեզ հաջողվեց դուրս գալ Եվրոպայի լիգայի քառորդ եզրափակիչ և երեք միավոր վաստակել Պրեմիեր լիգայում: Մենք բաց պահեցինք Չեմպիոնների լիգա տանող երկու դռներն էլ»,- մարզչի խոսքը մեջբերում է ակումբի կայքը: