Ռոնալդուի ներկայացուցիչները հերքում են բռնաբարության մեղադրանքը

Gestifute-ը, որը պաշտպանում է Պորտուգալիայի հավաքականի ֆուտբոլիստ Կրիշտիանու Տոնալդուի շահերը, հերքել է գերմանական Spiegel պարբերականի հայտարարությունը, համաձայն որի՝ պորտուգալացի խաղացողը մեղադրվում է սեռական բռնության մեջ:

Պարբերականը տեղեկություն էր տարածել, համաձայն որի՝ միջադեպը տեղի է ունեցել 2009թ.-ին՝ Լաս Վեգասում: 2010թ-ի հունվարին Ռոնալդուն 375 հազար դոլար է վճարել`բռնաբարության մեղադրանքից խուսափելու համար:

Ռոնալդուի շահերը պաշտպանող ընկերությունը պաշտոնապես հերքել է մեղադրանքը.

«Դա լրագրողական ֆանտաստիկայի մի մասն է: Ենթադրյալ զոհը հրաժարվում է ներկայանալ և հաստատել պատմությունը: Զեկույցի ամբողջ սյուժեն հիմնված է չստորագրած փաստաթղթերի և երևակայական նամակի վրա:

Այդ պարբերականի տեղեկատվությունը սուտ է: Ռոնալդուն իր տրամադրության տակ եղած բոլոր միջոցներով հանդես կգա այդ պարբերականի դեմ: Բռնաբարության մեջ մեղադրանքը նողկալի է և չպետք է անպատիժ մնա»,-ասվում է հայտարարության մեջ: