Էլինա Դանիելյանը` Եվրոպայի շախմատի կանանց անհատական առաջնության առաջատարների թվում

Ռիգայում ընթացող Եվրոպայի շախմատի կանանց անհատական առաջնության 7-րդ տուրում Էլինա Դանիելյանը հաղթեց Օլգա Գիրյային:

Մարիա Գևորգյանն ուժեղ գտնվեց Գոհար Բեյդուլաևայից, Լիլիթ Մկրտչյանը միավորը կիսեց Աննա Վարակոմսկայի հետ, իսկ Լիլիթ Գալոյանը պարտվեց Ցոլակիդու Ստավրուլայից:

7-րդ տուրից հետո Էլինա Դանիելյանը, Նանա Ձագնիձեն, Ալեքսանդրա Գորյաչկինան և Դարյա Պուստովոյտովան վաստակել են 5.5-ական միավոր և գլխավորում են աղյուսակը:

Լիլիթ Մկրտչյանն իր ակտիվում ունի 4 միավոր, իսկ Լիլիթ Գալոյանը և Մարիա Գևորգյանը վաստակել են 3.5-ական միավոր:

Մրցաշարի 8-րդ տուրը տեղի կունենա ապրիլի 19-ին: