«Ռեալ»-ը լրացուցիչ ժամանակում հաղթեց «Բավարիա»-ին և դուրս եկավ կիսաեզրափակիչ (տեսանյութ)

Չեմպիոնների լիգայի քառորդ եզրափակչի պատասխան խաղում «Ռեալ»-ը 4:2 հաշվով հաղթեց Մյունխենի «Բավարիա»-ին և դուրս եկավ կիսաեզրափակիչ:

Հանդիպման հիմնական ժամանակն ավարտվեց հյուերի հաղթանակով 2:1 հաշվով:

Խաղի 53-րդ րոպեին 11 մետրանոց հարվածից Ռոբերտ Լևանդովսկին բացեց հաշիվը:

76-րդ րոպեին Կրիշտիանու Ռոնալդուն խփեց պատասխան գոլը, իսկ երկու րոպե անց Սերխիո Ռամոսը դարձավ ինքնագոլի հեղինակ:

Նշենք, որ հանդիպման 84-րդ րոպեին երկրորդ դեղինը ստացավ և դաշտից հեռացվեց հյուրերի ֆուտբոլիստ Արտուրո Վիդալը:

Քանի որ թիմերի միջև առաջին խաղում մադրիդցիները հաղթել էին նույն այս հաշվով, հանդիպումը տեղափոխվեց լրացուցիչ ժամանակ:

Լրացուցիչ ժամանակում դաշտի տերերը ևս երեք գոլ խփեցին: Երկու արդյունավետ հարվածով աչքի ընկավ Կրիշտիանու Ռոնալդուն: Ֆուտբոլիստը 105-րդ րոպեին գոլ խփեց Ռամոսի փոխանցումից հետո, ապա արդյունավետ հարված կատարեց նաև 110-րդ րոպեին:

Հանդիպման վերջին գոլը երկու րոպե անց խփեց Ասենսիոն: