Record. Վնասվածքի պատճառով Իբրահիմովիչը կավարտի կարիերան

«Մանչեսթեր Յունայթեդ»-ի հարձակվող Զլատան Իբրահիմովիչը  կավարտի կարիերան լուրջ վնասվածքի արդյունքում: Այս մասին գրում է Record-ը:

35-ամյա շվեդ հարձակվողը վնասվածք է ստացել Եվրոպայի լիգայի քառորդ եզրափակչի «Անդերլեխտ»-ի դեմ պատասխան խաղում:

Ֆուտբոլիստը ստիպված կլինի ապաքինվել մոտ 9 ամիս:

Իբրահիմովիչի պայմանագիրը մանչեսթերյան ակումբի հետ ավարտվում է այս մրցաշրջանի վերջում:

Պրեմյեր լիգայի ընթացիկ առաջնությունում Իբրահիմովիչը  հեղինակել է 17 գոլ և կատարել 5 գոլային փոխանցում: