Ծառատունկ՝ նվիրված Իդեալ համակարգի 20-ամյակին (լուսանկարներ)

Իդեալ Համակարգը 2017 թվականին նշում է իր 20 ամյակը. 20 տարիների նպատակաուղղված աշխատանք, բազում իրականացված նախագծեր ու նոր՝ ավելի հավակնոտ ծրագրեր:

Ընկերության 20 ամյակի առթիվ նախատեսված են մի շարք միջոցառումներ, որոնցից են ծառատունկը, աշխատակիցների կողմից արյուն հանձնելը, սահմանամերձ գյուղերի երեխաներին հագուստով, խաղալիքներով ու անհոգ մանկություն ունենալու համար անհրաժեշտ այլ պարագաներով ապահովելը եւ այլն: Նշված եւ այլ միջոցառումներին կարող է մասնակցել մեր հասարակության յուրաքանչյուր անդամ՝ դառնալով տարիներ առաջ սկսված եւ շարունակվող բարի գործի մի մասնիկ: Իսկ արդեն իրականացված ծրագրերի մասին կարող են տեղեկանալ ընկերության ֆեյսբուքյան էջից, որտեղ պարբերաբար կներկայացվեն աշխատանքների արդյունքները, կտեղադրվեն լուսանկարներ:

Միջոցառումների շրջանակում 2017 թվականի ապրիլի 22-ին Արաբկիր համայնքում ընկերությունը իրականացրեց ծառատունկ: Ծառատունկի նպատակն էր ընդլայնել մայրաքաղաքի կանաչ տարածքները, քաղաքացիների մեջ սերմանել շրջապատը կանաչ պահելու ձգտումը, մեկ քայլ եւս մերձեցնել մարդուն բնությանը:

Այս տարի «Իդեալը» 200 ծառ է տնկում՝ ընկերության 20-րդ տարելիցը խորհրդանշական համարելով: Այս տրամաբանությամբ պատասխանատուները խոստանում են յուրաքանչյուր տարվա հետ ավելացնել նաեւ ծառերի քանակը:

Ծառատունկին, որին մասնակցում էին ընկերության աշխատակիցները, աշխատակիցների ընտանիքները, միացան նաեւ համայնքի բնակիչները: Հատկանշական էր մանուկների ոգեւորությունը, ովքեր մեծ խանդավառությամբ սովորում էին ծառ տնկելու արվեստը, իրենց բաժին ջուրը տալիս նորատունկ ծառերին եւ խոստանում ամեն տարի գալ եւ «հանդիպել» իրենց ծառին: Տեսնելով մանուկների ոգեւորությունը, վստահ կարող ենք արձանագրել, որ այս սերունդը երբեք չի աղտոտի բնությունը, չի օտարվի նրանից, միշտ կլինի սրտացավ ու կշարունակի ավագ սերնդի սկսած գործը:

Ծառատունկից ոչ պակաս կարեւոր է ծառերի հետագա խնամքն ու ոռոգումը: Այդ պատճառով ընտրվել է այնպիսի տարածք, որտեղ առկա է մշտական ոռոգում եւ ծառերի խնամք:

Իդեալ Համակարգը հավատարիմ է մնում մարդ-բնություն կապը պահպանելու իր որդեգրած ավանդույթներին: Պարբերաբար իրականացվում են աշխատակիցների այցերը նախորդ տարիներին իրականացված ծառատունկերի տարածք:

Այսպիսով՝ «Իդեալ համակարգի» աշխատակիցները կարեւորագույն հարց են լուծում՝ սովորեցնում են իրենց զավակներին լինել պատասխանատու, հոգատար ու հայրենասեր' պահպանելով և զարգացնելով մարդ-բնություն կապը և հստակ քայլերով շարժվելով դեպի կատարելություն:

 {gallery}carat{/gallery}