Արցախում հարգել են նահատակված հայերի հիշատակը (լուսանկարներ)

Ապրիլի 23-ին Արցախում մոմերով երթ էր կազմակերպվել`ի հիշատակ Հայոց ցեղասպանության 1,5 միլիոն նահատակված հայերի:

Արցախցիները Ստեփանակերտի Սուրբ Հակոբ Հայրապետի անվան առաքելոց եկեղեցուց շարժվել են դեպի Հայոց ցեղասպանության զոհերի հուշահամալիր, որտեղ էլ իրենց հարգանքի տուրքն են մատուցել 102 տարի առաջ կոտորված հայերի հիշատակին: Նրանք հուշահամալիրի մոտ մոմավառություն են իրականացրել, հնչեցրել են ազգային-ազգագրական երգեր և բանաստեղծություններ:

ԼՈւՐԵՐ.com-ի թղթակցի փոխանցմամբ, ապրիլի 24-ին Ստեփանակաերտում մարդկանց հոսքը չէր դադարում դեպի Հայոց ցեղասպանության հուշահամալիր: Մարդիկ ծաղիկներին էին խոնարհում հուշարձանին: 

Լուսանկարները՝ ԼՈւՐԵՐ.com-ի

Սոնա Հարությունյան