Թեստ. սիրո՞ւմ եք արդյոք ինքներդ ձեզ

Ի հակադրություն լայնորեն տարածված կանխակալ կարծիքի` այս հարցին դրականորեն պատասխանելն ամենևին էլ էգոիզմի դրսևորում չի նշանակում:

Չէ որ, նույնիսկ աստվածաշնչյան խիստ կանոնի համաձան, ինքն իրեն սիրելը բոլորովին էլ ոչ թե մեղք է, այլ մերձավորի նկատմամբ սիրո աղբյուրն ու սկզբնակետը: Այդ պատճառով էն կենսական հաջողությունն ու մարդկանց հետ բարի հարաբերություններ ունենալը հաճախ ինքն իր հանդեպ դրական վերաբերմունքից է կախված:

Թեստի հարցերին հարկավոր է պատասխանել «այո» կամ «ոչ»:

1. Դուք Ձեզ լավ զգո՞ւմ եք այնպիսին, ինչպիսին կաք:

2. Համարո՞ւմ եք արդյոք, որ Ձեզ հետապնդում են անհաջողությունները:

3. Դուք Ձեր հարաբերությունները արդյոք համապատասխանեցնո՞ւմ եք շրջապատողների կարծիքի հետ:

4. Սովորություն ունե՞ք արդյոք հիշելու Ձեր խոսքերն ու վարքը տարբեր իրավիճակներում և մտածելու, թե այդպիսի իրավիճակներում ուրիշ մարդիկ իրենց ինչպես կպահեին:

5. Նեղվո՞ւմ եք արդյոք, երբ Ձեր ներկայությամբ գովում են Ձեզ:

6. Կարո՞ղ եք արդյոք երկար ժամանակ միայնակ լինել:

7. Միանշանակ կապ զգո՞ւմ եք Ձեր նյութական վիճակի և հոգեկան կոմֆորտի միջև:

8. Հաճա՞խ եք արդյոք այնպիսի զգացում ունենում, որ ինչ-որ շատ տհաճ մի բան կկատարվի:

9. Ձեզ համար դժվա՞ր է արդյոք արտահայտել Ձեր զգացմունքները:

10. Ընդունա՞կ եք արդյոք հակադրվելու այն միջավայրի բարքերին, որում դուք ապրում եք:

Արդյունքների հաշվում:

2,3,4,5,6,7,8,9 հարցերին «ոչ» պատասխանելու դեպքում ամեն անգամ  ստանում եք 5 միավոր: 1-ին և 10-րդ հարցերին «այո» պատասխանելու դեպքում ևս ստանում եք 5-ական միավոր:

35-50 միավոր: Գիտակցելով հանդերձ, որ Դուք զերծ չեք թերություններից, լավ եք վերաբերում Ձեզ, սիրում եք ձեզ առանց մեծամտության և գոռոզանալու: Իսկ դա շատ բանով պայմանավորում է ձեր հաջողությունները և կենսուրախ տրամադրություն է պարգևում ձեզ: Դուք զգում եք, որ պետք եք մարդկանց և որ կյանքն իմաստալից է: Կարողանում եք գնահատել ձեր և ուրիշների արժանիքները, իսկ դա օգնում է շփման մեջ և մեծապես օգնում է խուսափել կոնֆլիկտներից:

15-30 միավոր: Դժվար է ասել, թե դուք որքան եք սիրում ձեզ: Պարզապես դուք հազվադեպ եք մտածում այդ մասին: Դուք միշտ չէ, որ օգտագործում եք ձեր ընդունակությունները, չափազան շատ եք ուշադրություն հատկացնում Ձեր թույլ կողմերին, ինչպես նաև ձեր թուլություններին: Ժամանակ առ ժամանակ դա անբարյացակամություն է առաջացնում ինքներդ ձեր նկատմամաբ, իսկ դրա հետևանքով անհնար է դառնում ուրիշներին ուշադրություն և սեր նվիրելը:

0-10 միավոր: Վստահաբար կարելի է ասել, որ դուք չեք սիրում ինքներդ ձեզ: Մշտապես սպասում եք, որ Ձեզ հետ ինչ-որ վատ բան կկատարվի, և, խոստովանեք, այդ սպասումները հաճախ իրականանում են: Լինում են պահեր, երբ դուք ատում եք ձեզ և դրա արդյունքում սխալ որոշումներ եք կայացնում: Փոխվելու ժամանակը եկել է, մտածեք այդ մասին:

Ձեր հոգեբանական դիմանկարը