Զորամասի պայմանագրային զինծառայողը տեղափոխվել է հիվանդանոց

Նոյեմբերի 16-ին, ժամը 21:20-ին հրազենային վնասվածքով Երևանի «Էրեբունի» բժշկական կենտրոն է տեղափոխվել ՊՆ N զորամասի պայմանագրային զինծառայող Համլետ Մկրտչյանը: Փաստի առթիվ ՀՀ ՊՆ քննչական ծառայության 8-րդ կայազորային քննչական բաժնում հարուցվել է քրեական գործը ՀՀ Քր.օրենսգրքի 239-րդ հոդվածի (հրազենը կամ ռազմամթերքն անփութորեն պահպանելը) հատկանիշներով: Կատարվում է նախաքննություն: Համլետ Մկրտչյանը ծառայում էր երևանյան զորամասերից մեկում։