Ու՞ր են գնում Շիրակի պետհամալսարանի գումարները

Գագիկ Համբայանը ֆեյսբուքյան իր էջում գրում է․

Հոկտեմբերի 1-ին հանրապետության երկրորդ քաղաքը տոնում էր «Գյումրու օր»-ը։ Տոնակատարության շրջանակներում տեղի ունեցավ Պիոներ պալատի՝ Գյումրու մանկապատանեկան արվեստի պալատի բացման արարողությունը։ Հայաստանյան ԶԼՄ-ներից մեկի հարցմանն ի պատասխան, թե որքա՞ն է ծախսվել այդ կիսաքանդ շինությունը վերականգնելու համար, Գյումրու քաղաքապետարանի մշակույթի և երիտասարդության հարցերի բաժնի պետ Արտուշ Մկրտչյանը պատասխանել էր՝ «32 միլիոն դրամ» (լուսանկար)։

Ակամայից հիշեցի Շիրակի Մայր ԲՈՒՀ-ում ակտիվ ընթացող շինարարությունը և այն գումարները, որոնք ծախսվում են այդ ամենի վրա։ Օրինակ՝ ԲՈՒՀ-ի բուֆետի թեթև վերանորոգման համար համալսարանի բյուջեից ծախսվել է 25 միլիոն դրամ, իսկ դահլիճի վերանորոգման համար՝ 100 միլիոնից ավել դրամ (լուսանկար)։

Հետաքրքիր է ստացվում... Երկհարկանի քարուքանդ եղած շենքին նոր կյանք տալու համար Գյումրու քաղաքապետարանը ծախսում է ընդամենը 32 միլիոն դրամ, իսկ փոքրիկ բուֆետի վերանորոգման համար ծախսվում է 25 միլիոն դրամ։

Մեկնաբանությունները թողնում եմ Ձեզ...

Լուսանկարներում ներկայացված են՝

Շիրակի պետհամալսարանի 25 միլիոնանոց բուֆետը։

Շիրակի պետհամալսարանի 118 միլիոնանոց դահլիճը։

32 միլիոնանոց Գյումրու մանկապատանեկան արվեստի պալատի շենքը։