«Բարսելոնա»-ն իր առաջին պարտությունը կրեց առաջնության այս մրցաշրջանում (տեսանյութ)

Իսպանիայի առաջնության 37-րդ տուրում  «Բարսելոնա»-ն 4:5 հաշվով պարտվեց «Լևանտե»-ին:

Սա կատալոնացիների առաջին պարտությունն էր ընթացիկ առաջնությունում:

Դաշտի տերերի կազմում հեթ-տրիկ ձևակերպեց Էմանուել Բոատենգը (9', 30', 49'),  դուբլի հեղինակ դարձավ Էնիս Բարդին (46', 56'):

«Կապտանռնագույնների» կազմում երեք գոլ խփեց Ֆիլիպե Կոուտինյոն (38', 59', 64'), 74-րդ րոպեին էլ Լուիս Սուարեսը  անվրեպ իրացրեց 11 մետրանոցը:

Հիշեցնենք, որ «Բարսելոնա»-ն ժամանակից շուտ ապահովել էր չեմպիոն տիտղոսի կոչումը:

Լուսանկարը` As-ի