Ջենիֆեր Լոպեսին ու Ալեքս Ռոդրիգեսին «բռնացրել են» Մայամիում (տեսանյութ)

Ջենիֆեր Լոպեսը ոչ միայն տաղանդավոր երգչուհի և գեղեցկուհի է, այլ նաեւ հաջողակ  ձեռներեց։ 48-ամյա երգչուհին NBC ալիքի «World of Dance» պարային շոուի պրոդյուսերն է։ Առաջին եթերաշրջանն այնքան հաջող է անցել, որ հեռուստաալիքն այն երկրորդ եթերաշրջանով է շարունակել, իսկ ժյուրիի անդամները, այդ թվում Ջեյ Լոն, Ջեննա Դյուեն Տատումը, Դերեկ Հյուն ու Ne-Yo-ն, նոր եթերաշրջանի թրեյլերում պարային մենամարտ են կազմակերպել։ 

Ելույթ ունենալու համար Ջեյ Լոն պետք է մշտապես մարզվի ու լավ մարզավիճակ պահպանի։ Ու այդ գործում  48-ամյա երգչուհու լավագույն օգնականը, հաստատ,  Ալեքս Ռոդրիգեսն է եղել։ Զույգը ուղևորվել է Trufision Gym, որտեղից դուրս գալու պահին հայտնի երգչուհու  վրա «գրոհել են» նրա երկրպագուները։ Բնականաբար՝ պահանջելով սելֆի անել։