Արգենտինայի ընտրանուն հաջողվեց 1/8 եզրափակչի ուղեգիր նվաճել (տեսանյութ, լուսանկարներ)

Ռուսաստանում ընթացող աշխարհի առաջնությունում Արգենտինայի ազգային ընտրանին կարողացավ հաղթահարել խմբային փուլի արգելքը:

Խմբային փուլի վերջին տուրում D խմբում ընգրկված արգենտինացիները Սանկտ Պետերբուրգում հանդիպեցին Նիգերիայի ազգային ընտրանուն:

Խաղն ավարտվեց արգենտինացիների հաղթանակով 2:1 հաշվով:

14-րդ րոպեին Լիոնել Մեսսին խփեց խաղի առաջին գոլը, իսկ 51-րդ րոպեին Վիկտոր Մոզեսը դիպուկ իրացրեց նշանակված 11 մետրանոց հարվածը:

86-րդ րոպեին Մարկոս Ռոխոյի խփած գոլը  արգենտինացիներին փլեյ-ֆֆի ուղեգիր բերեց:

Արդյունքում D խմբից Արգենտինայի ընտրանին 4 միավորով զբաղեցրեց երկրորդ տեղը և դուրս եկավ հաջորդ փուլ: Առաջինը Խորվաթիայի ընտրանին է:

 Արգենտինացիների մրցակիցը 1/8 եզրափակչում կլինի Ֆրանսիայի ընտրանին: