Մունդիալ 2018-ը ավարտված է Պորտուգալիայի հավաքականի համար (տեսանյութ, լուսանկարներ)

Ռուսաստանում շարունակվում է ֆուտբոլի աշխարհի առաջնությունը:

Այսօր տեղի ունեցավ 1/8 եզրափակչի հերթական խաղը: Սոչիի «Ֆիշտ» մարզադաշտում Պորտուգալիայի ազգային ընտրանին հանդիպեց Ուրուգվայի հավաքականին:

Պորտուգալացիները մրցակցին զիջեցին 1:2 հաշվով և դուրս մնացին պայքարից:

Խաղի մեկնարկից 7 րոպե անց Էդիսոն Կավանին խփեց հանդիպման առաջին գոլը: Երկրորդ խաղակեսում` 55-րդ րոպեին Պեպեն հավասարեցրեց հաշիվը:

7 րոպե անց Էդիսոն Կավանին կրկին գոլի հեղինակ դարձավ` իր թիմին ապահովելով քառորդ եզրափակչի ուղեգիր:

Քառորդ եզրափակչում Ուրուգվայը ուժերը կչափի Ֆրանսիայի ընտրանու հետ: Խաղը կկայանա հուլիսի 6-ին:

Լուսանկարները` Daily Mail, FIFA

Respect