Տեսանյութ․ 11-ամյա աղջնակը՝ ավելի քան 1 միլիոն դոլարի ժառանգության տեր

Daily Mail-ը գրում է, որ հայտնի շեֆ խոհարար Էնթոնի Բուրդենի ժառանգությունը կանցնի նրա 11-ամյա դուստր Արիանային։ Աղջիկը կստանա 1 մլն 200 հազար դոլար, այդ թվում՝ 250 հազար դոլարանոց առանձնատուն, բաժնետոմսեր ու ներդրումներ: Նաեւ ըստ կտակի՝ Արիանան կստանա այն ամենն, ինչ պատկանում էր Բուրդենին։ Շեֆ խոհարարի նախկին կինը՝ Օտտավիան, ոչինչ չի ստանալու, սակայն նա պետք է հետեւի, որպեսզի Արիանային հասնի այն ամենն, ինչ նրան թողել է Բուրդենը։

Հիշեցնենք, որ հունիսի սկզբին, 61 տարեկանում, մահացել է հայտնի շեֆ խոհարար Էնթոնի Բուրդենը, որն իր Anthony Bourdain Parts Unknown հաղորդման շրջանակում անցած տարի այցելել էր Հայաստան, իսկ CNN հեռուստաալիքով մայիսի վերջին ցուցադրվել էր Սերժ Թանկյանի մասնակցությամբ նրա հաղորդման թողարկումը։