Ռոնալդո, Ջորկաեֆ, Ֆիգու. «Հանարապետական» մարզադաշտում կայացավ լեգենդների խաղը (տեսանյութ)

Երևանի «Հանարապետական» մարզադաշտում ֆուտբոլային տոն էր: Երկրպագուների բարձր տրամադրության ներքո աշխարհի լեգենդար ֆուտբոլիստները հանդիպում անցկացրին: 

Պայքարում էին Լատինական Ամերիկայի և Եվրոպայի հավաքականները: Հարավային Ամերիկայի թիմը հաղթեց 5:2 հաշվով: 

Եվրապայի ընտրանու դարպասը պաշտպանում էր հայկական ֆուտբոլի լեգենդ Ռոման Բերեզովսկին: Թիմի մեկնարկային կազմում էին , Յուրի Ջորկաեֆը, Լուիշ Ֆիգու, Ռայան Գիգզը և այլք: 

Լատինական Ամերիկայի հավաքականի մարզչի դերում լեգենդար բռազիլացի Ռոնալդոն էր: Կազմում ընդգրկված էին Դիդան, Այալան, Կաֆուն, Լիման, Բենետին, Սերժիոն, Ռիկարդոն, Բատիստուտան, Կրեսպոն, Սավիոլան և այլք:

Հանդիպման առաջին խաղակեսն ավարտվեց 1:1 հաշվով. մեկնարկից 8 րոպե անց Մադրիդի «Ռեալ»-ի նախկին ֆուտբոլիստ Լուիշ Ֆիգուն գրավեց Դիդայի պաշտպանած դարպասը: Վարկյաններ անց պատասխան գոլը խփեց Գաբրիել Բատիստուտան:

Հարավային Ամերիկայի հավաքականի կազմում երկրորդ խաղակեսում` 53-րդ րոպեին գոլ խփեց Սավիոլան: Հանդիպման 62-րդ րոպեին Ռոման Բերեզովսկու պաշտպանած դարպասը գրավեց Դի Ռոսարիոն: Եվրոպայի հավաքականի կազմից հաշիվը կրճատեց Յուրի Ջորկաեֆը: Շատ չանցած Դիր Ռոսարիոն իր երկրորդ գոլը խփեց: Հարավամերիկացիների 5-րդ գոլը խփեց Բեբետոն:

Առաջին խաղակեսի ավարտին դաշտ դուրս եկան նաև Բեբետոն ու Լյուդովիկ Ժյուլին: Երկրորդ խաղակեսում փոխարինվեցին Ռիվալդոն, Սերժինիոն և Այալան, Կաֆուն, Յուրի Ջորկաեֆին էլ փոխարինեց Խորեն Հովհաննիսյանը:

Հանդիպմանը ներկա էր նաև ՀՀ վարչապետ Նիկոլ Փաշինյանը:

Վերջում էլ հանդիսականները ներկա եղան գեղեցի շոու ծրագրի ու հրավառության: