Ալիևն իր կոռուպցիոն հետքերը վերացնելու համար հերթական ապատեղեկատվությունն է տարածել Արցախի վերաբերյալ

Ադրբեջանական  կայքերից մեկում հրապարակվել է հերթական կեղծ տեղեկությունն այն մասին, թե Ադրբեջանի Հանրապետության նախագահ Իլհամ Ալիևը պետբյուջեից շուրջ 3 միլիոն մանաթ է հատկացրել Աղդամի շրջանի Ղարադաղլի, Աֆեթլի, Եվողլի, Զենգիշալի, Չեմենլի, Ախմեդագալի, Գարվենդի և Թեզեքենդի սահմանամերձ բնակավայրերին՝ վնասված տները վերանորոգելու նպատակով: Ուշագրավ է այն, որ ադրբեջանական հակաքարոզչությունն իրականացնող հերթական կայքը նշում է, թե իբր տվյալ բնակավայրերի տները վնասվել են Արցախի Հանրապետության ՊԲ ստորաբաժանումների կրակահերթից։ Սակայն տեղեկությունը չի համապատասխանում իրականությանը այն պարզ պատճառով, որ նշված բնակավայրերը 25 տարուց ավել է՝ դատապարտված են աղքատության և անտարբերության. գյուղացիները դժվարությամբ են օրվա հացը ստեղծում: 

Նախ նշենք, որ Ադրբեջանի Հանրապետության նախագահի հրամանագրերով, տարիներ շարունակ որոշ գումարներ են «հատկացվել» սահմանամերձ բնակավայրերի բարեկարգման համար: Սակայն դրանք պետբյուջեից փոխանցվել են ուղիղ կոռումպացված պաշտոնյաների գրպանները, որոնք, բնականաբար, մեծ կտորը տվել գլխավոր կոռուպցիոներին՝ Իլհամ Ալիևին, քանի որ առանց Ալիևի իմացության՝ այդ կոռուպցիոն շղթայում որևէ տեղաշարժ լինել չի կարող: 

Փաստացի, այդ 3 միլիոն մանաթի մեծ մասն արդեն խոշոր կոռուպցիոներների ձեռքում է, իսկ 0.1%-ը տվել են համայնքի բնակիչներին, իբրև «լավություն»: