Սեյրան Օհանյանին մեղադրանք է առաջադրվել Մարտի 1-ի գործով
Իրավունք
Պաշտպանության նախկին նախարար Սեյրան Օհանյանին Մարտի 1-ի գործով մեղադրանք է առաջադրվել: Տեղեկությունը ԼՈւՐԵՐ.com-ի հետ զրույցում հաստատեց Գլխավոր դատախազության հանրային կապերի բաժնի պետ Արևիկ Խաչատրյանը:
Տեղեկությունը լրագրողների հետ զրույցում հաստատել է նաև դատախազ Վահագն Մուրադյանը: Սեյրան Օհանյանը մեղադրվում է Քրեական օրենսգրքի 300.1 հոդվածի հատկանիշներով՝ «Սահմանադրական կարգը տապալելու»մեջ։
Նրա նկատմամբ որպես խափանման միջոց ընտրվել է ստորագրություն երկրից չհեռանալու մասին։
Նշենք, որ Սեյրան Օհանյանը 6-րդ նախկին պաշտոնյան է, որին մեղադրանք է առաջադրվել 2008-ի արյունալի իրադարձությունների փաստի առթիվ հարուցված քրեական գործի շրջանակներում։ Այս գործով կալանավորված է ՀՀ 2-րդ նախագահ Ռոբերտ Քոչարյանը, կալանավորելու որոշում է կայացվել Վահագն Հարությունյանի ու Պաշտպանության նախկին նախարար Միքայել Հարությունյանի վերաբերյալ, ստորագրությամբ ազատության մեջ է Յուրի Խաչատուրովը, իսկ Արմեն Գևորգյանը դեռ վիճարկում է խափանման միջոցի հարցը։
Սեյրան Օհանյանը 2008 թ. մարտի 1-ին իրադարձությունների ժամանակ զբաղեցնում էր ՊՆ Զինված ուժերի գլխավոր շտաբի պետի պաշտոնը։
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
