«Արսենալ»-ը հայտնել է Մխիթարյանի մարզումները վերսկսելու ժամկետը

Լոնդոնի «Արսենալ»-ի կիսապաշտպան Հենրիխ Մխիթարյանը հիմնական մարզումների կվերադառնա հաջորդ շաբաթ:

Այս մասին գրում է ակումբի պաշտոնական կայքը: «Զինագործները» խոսել են հայ կիսապաշտպանի առողջական վիճակի մասին` փաստելով, որ հայ ֆուտբոլիստը թիմի հետ կմարզվի հունվարի 20-ից հետո: Իսկ Ռոբ Հոլդինգը և Դանի Ուելբեկը շարունակում են ապաքինվել վնասվածքներից:

22-րդ տուրից հետո «Արսենալ»-ն ունի 41 միավոր և մրցաշարային աղյուսակում 5-րդն է:

Հաջորդ հանդիպումը «զինագործները» կանցկացնեն հունվարի 19-ին` սեփական հարկի տակ հյուրընկալելով «Չելսի»-ին: