Լիազորությունների չարաշահումներ՝ Հանրային ռադիոյում․ Մարկ Գրիգորյանը՝ վերջին սկանդալի մասին

Հանրային ռադիոյի աշխատակիցների դեմ նյութեր են նախապատրաստվում։ Այս մասին ԼՈւՐԵՐ․com-ի հետ զրույցում փոխանցեցին ոստիկանության լրատվության և հասարակայնության հետ կապերի բաժնից։

«Դատախազությունից ստացվել է հրապարակում, մամուլում հրապարակված նյութի վերաբերյալ, ըստ որի՝ Հանրային ռադիոյի ծառայողների կողմից տեղի են ունեցել լիազորությունների չարաշահումներ»,- ասացին ոստիկանությունից՝ նշելով, որ դրա հիման վրա նյութեր են պատրաստվում։

Նշենք, որ դեպքի առնչությամբ շոշափվում է, հատկապես, Հանրային ռադիոյի նախկին տնօրեն Մարկ Գրիգորյանի անունը։ ԼՈւՐԵՐ․com-ը փորձեց մեկնաբանություն ստանալ վերջինից, սակայն Գրիգորյանը հրաժարվեց որևէ մեկնաբանություն տալ՝ արդյոք իր հետ կապ ունի՞ այդ ամենը, թե ոչ․ «Վերջին սկանդալը չեմ մեկնաբանում», - ասաց Հանրային ռադիոյի նախկին տնօրենը։ 

Հիշեցնենք, որ Հանրային ռադիոյի գործադիր տնօրեն Մարկ Գրիգորյանն աշխատանքից ազատվելու դիմում է գրել 2018 թ․ դեկտեմբերի 19-ին։ Այս վերաջաբանը եղավ ռադիոյի աշխատակիցների հետ հանդիպումից հետո, երբ վերջիններս պահանջում էին տնօրենի հրաժարականը: Մինդ այդ, նրանք գործադուլ սկսելու հայտարարություն էին տարածել՝ նշելով, որ իրենց աշխատավարձը բարձրացնելու բոլոր խնդրանքներին Մարկ Գրիգորյանը պատասխանել է, որ գումար չունի, իսկ տնօրենի 1 մլն 500 հազար դրամ աշխատավարձը ապշեցրել է ռադիոյի բոլոր հին աշխատողներին։  

Սոնա Հարությունյան