Դենիս Թումասյան. Շատ եմ ցանկանում հրավեր ստանալ Հայաստանի հավաքականից
Սպորտ
«Ալաշկերտի» նորեկ Դենիս Թումասյանը առաջին հարցազրույցն է տվել ակումբի մամուլի ծառայությանը.
«Արդեն անցկացրել եմ առաջին մարզումս «Ալաշկերտի» կազմում: Տպավորությունները դրական են: Հավանեցի մարզումային գործընթացը, ամեն ինչ բարձր մակարդակի վրա է:
«Ուֆա»-ից հեռանալուց հետո մի շարք առաջարկներ ունեի ռուսական և հայկական ակումբներից:
Սակայն, ակումբի փոխնախագահ Կիմ Առաքելյանի համառության և հիանալի աշխատանքի արդյունքում ես ընտրեցի «Ալաշկերտը». Կարելի է ասել, որ ստացա առաջարկ, որից չէի կարող հրաժարվել:
Գիտեմ, որ «Ալաշկերտը» Հայաստանի նախորդ երեք առաջնությունների չեմպիոնն է: Իմ նպատակը թիմի հետ հերթական չեմպիոնական տիտղոսն ու եվրոպական ակումբային մրցաշարերից մեկի խմբային փուլի ուղեգիր նվաճելն է: Հայաստանի առաջնությունում խաղում են իմ ընկերները:
Բոլորը միաձայն նշում են, որ մրցաշարի մակարդակը զգալիորեն բարձրացել է: Հաղթանակի համար պետք է անմնացորդ նվիրվել յուրաքանչյուր խաղում:
Իհարկե, շատ եմ ուզում հրավեր ստանալ Հայաստանի հավաքականից: Պատրաստովում եմ ցուցադրել հնարավորություններիս առավելագույնը` ազգային թիմից հրավերին արժանանալու համար»,- նշել է Թումասյանը ակումբի մամուլի ծառայության հետ զրույցում:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
