Սեյրան Օհանյանը մեծ ճանապարհ է անցել, որը պետք է գնահատվի․ Սասուն Միքայելյան

Սեյրան Օհանյանն իմ մարտական ընկերն է, մենք իրար հետ ճանապարհ ենք անցել 1991 թվականից։ Այս մասին այսօր լրագրողների հետ զրույցում, անդրադառնալով այն հարցին, թե ինչ կարծիք ունի, այն մասին, որ Մարտի 1-ի գործով քրեական գործ է հարուցվել Սեյրան Օհանյանի նկատմամբ,  ասաց «Իմ քայլը» խմբակցության պատգամավոր Սասուն Միքայելյանը։ 

«Ոչ ոքի վրա չեն կարող քրեական գործ հարուցել, եթե չկա։ Իսկ ինչ վերաբերվում է Սեյրան Օհանյանին, ապա ասեմ, որ նա մեծ ճանապարհ է անցել, որ պետք է գնահատվի մեր հասարակության, ժողովրդի և ապագա սերունդի կողմից։ կարող եմ միայն ասել, որ ժամանակը ցույց կտա՝ ով էր մեղավոր և ով ոչ»,-ասաց Միքայելյանը։