Շեղում են կարևորից

Վերջին շրջանում հասարակության մի մասն ակտիվորեն բարցրաձայնում է իրեն հուզուղ հարցերի մասին, բանը հասել է բողոքի ակցիաներին:

Հարյուրավոր քաղաքացիներ բողոքի ցույցեր են կազմակերպում մայրաքաղաքում. կենդանաբանական այգու դիմաց աշխատակիցները պահանջում են տնօրենի հրաժարականը, փողոցային առևտրականներն իրենց հասանելիք տաղավարներն են պահանջում, ինչը խոստացված էր,  ավտոներկրողները բողոքում են հարկատեսակից, ապրանքներ ներկրողները՝ մաքսազերծումից, իսկ նարգիլեի բիզնեսով զբաղվողներն ու մատուցողներն էլ՝ գործադիրի շենքի դիմաց Առողջապահության նախարությունից են դժգոհում, որը ծխելն արգելելու նախագծի մեջ ներառել է նաև նարգիլեի օգտագործումը ժամանցի վայրերում:

Ցույցի դուրս եկած քաղաքացներին շատերը և՛ մեղադրում են, և՛ օնլայն հարթակում զորակցում, բայց մի բան ակնհայտ է՝ բողոքի ալիքը գնալով մեծանում է և նկատելի է դառնում, որ մեկ ամսից ցուցարարների թիվը կհատի հազարի շեմը: 

ԼՈՒՐԵՐ.com-ի տեղեկություններով, ցուցարարների խմբերին առաջիկայում միանալու են նաև իրավաբանները, որոնք գոհ չեն ֆինանսների նախարարության կողմից շրջանառության մեջ դրված «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» ՀՀ օրենքի նախագծից: Ըստ այս նախագծի՝ կառավարությունն արգելում է փաստաբաններին, խորհրդատուներին և հաշվապահներին՝ աշխատել շրջանառության հարկով

Սակայն այստեղ կա մեկ այլ խնդիր, դա Արցախի հարցի խաղաղ կարգավորումն է, և որի շուրջ ընթացող բանակցությունները նոր թափ են ստացել, ինչը, մասնագետների համոզմամբ, լավ բանի չի հանգեցնելու: Շատերի համար որոշ բաներ պարզ դարձան Փաշինյան-Ալիև չծրագրված և 1.5 ժամ տևած հանդիպումից, որոշներն էլ հույսով և հավատով լցված՝ անտեսում են իրականությունը: Այնուամենայնիվ, մի բան ակնհայտ է ու անժխտելի՝ ներկայում ընթացող և առաջիկայում էլ մեծացող բողոքի ալիքը հասարակությանը «զբաղեցնելու» և Արցախի տարածքային ամբողջականությանը սպառնացող խնդիրներից շեղելու լավագույն միջոցն է, ինչը և շատ լավ ստացվում է ներկայիս իշխանության մոտ: