Հովհաննես Գալստյանը հրապարակել է Լիլիթ Մակունցի հետ զրույցի ձայնագրությունը

Հացադուլ հայտարարած կինոռեժիսով Հովհաննես Գալստյանն իր Ֆեյսբուքի էջում հրապարակել է ՀՀ մշակույթի նախարար Լիլիթ Մակունցի հետ ունեցած ձայնագրությունը՝ «Տատիկիս վարսերը» ֆիլմի համար հատկացված գումարները փոխանցելու վերաբերյալ:

Ստորր ներկայացնում ենք ձայնագրության սղագրությունը.

«Լիլիթ Մակունց - Այսօր չորեքշաբթի է, ճի՞շտ է։

Հովհաննես Գալստյան – Այո։

Լիլիթ Մակունց - Երկու օրյա ժամկետում ես կխնդրեմ, որ իրավաբանները բոլոր փաստաթղթերը հավաքագրեն։

Րաֆֆի Մովսիսյան - Եվ տան համապատասխան բանին չէ՞։

Լիլիթ Մակունց - Այո։ Տալիս եք համապատասխան եզրակացություն կինոկենտրոնին

Մարինե Զաքարյան-Տիկին Մակունց, մի բան էլ կա․․․

Լիլիթ Մակունց-Եվ ես այստեղից արդեն չկամ։

Մարինե Զաքարյան - Տիկին Մակունց ջան, մի բան էլ կա, եթե մենք ժամանակացույց, եթե մենք էդ 55 միլիոնը ֆիքսում ենք, մենք ունենում ե՞նք ժամանակացույց, արդեն ըստ մեր արտադրական պլանի։

Շուշանիկ Միրզախանյան - Պարտադիր, պարտադիր։

Լիլիթ Մակունց - Նայեք, էսպես, ես կառաջարկեմ նաև, որպեսզի կինոկենտրոնը իր դիրքորոշումը այդ առումով նույնպես հայտնի։ Այսինքն, չգիտեմ 20, 15, 10:

Րաֆֆի Մովսիսյան - Փուլային երևի։

Շուշանիկ Միրզախանյան - Այո այո։ Այո այո։

Լիլիթ Մակունց - Ասենք հունվարի վերջին 20 միլիոնը։

Մարինե Զաքարյան - Այսինքն ըստ մեր աշխատանքների, հա էլի։

Րաֆֆի Մովսիսյան - Ձեզ հարմար:

Շուշանիկ Միրզախանյան - Ձեզ պետք ա հարմար լինի:

Հովհաննես Գալստյան - Հիմա մենք ձմեռային նկարահանումներ ունենք:

Շուշանիկ Միրազախանյան - Մարինա ջան, ուրեմն ձե՛զ պետք ա հարմար լինի, դու՛ք եք տալու ժամանակացույցը, ոչ թե կինոկոնտրոնը։

Մարինե Զաքարյան - Ըստ մեր արտադրական պլանի և ժամանակացույցի:

Շուշանիկ Միրզախանյան - Արտադրական պլանը Պարտադիր պարտադիր:

Րաֆֆի Մովսիսյան - Էկեք թող էս փուլը ավարտվի, հասկանաք ոնց ենք անում, մանացածը:

Լիլիթ Մակունց - Մնացածը կորոշվի էլի, հա։ Էդ դուք ինքներդ կխոսեք, հա։

Շուշանիկ Միրզախանյան - Ուղղակի որ չեք աշխատել մեզ հետ պայմանագրով, այ հիմա էս տարվա բոլորը իրենք են ներկայացնում։

Մարինե Զաքարյան - Ուրեմն, նախարարի հանձնարարությամբ երկօրյա ժամկետում պայմանագրի գոնե ընդհանուր:

Լիլիթ Մակունց - Նայեք հիմա էսպես ենք անում, երկօրյա ժամկետում, ուրբաթ օրվա մինչև աշխատանքային օրվա վերջ, պետք ա պատրաստ լինեն էդ իրավաբանական բոլոր հիմքերը։ Իրավաբանական հիմքերը և եզրակացությունը ներկայացվում է կինոկենտրոնի տնօրենին, ես այլևս չկամ այս հատվածում, քանի որ արդեն ճանապարհային քարտեզը կա, ես այլևս գոյություն չունեմ։ Իրականում դա․․․

Շուշանիկ Միրզախանյան - Այս աշխատանքի մեջ։

Լիլիթ Մակունց - Այո, այո։ Դուք պետք է էդ ամբողջը կարգավորեք այլևս։ Սա, ես որպես նախարար իրականում ես չպետք է զբաղվեի այս գործառույթով, տիկին Միրզախանյան։ Դուք վերցնում եք իրավական փաստաթղթերը, տեսնում եք համապատասխանում են, համապատասխանությունից հետո կազմում եք ֆորսմաժորային իրավիճակի հետ կապված տեղեկացնում եք բուլղարական և գերմանական կողմին, և խնդրում եք, որպեսզի հետաձգվի ևս 12 ամսով։ Էդ պարագայում դիմում եք, ֆինանսական առումով նաև պետք ա արդեն մենք հավելյալ դիմենք, որպեսզի կինոկենտրոնին փոխանցվի մյուս տարվա համար։ Դա արդեն մենք ենք անում։ Դա արդեն մոնիթորինգի վարչության հետ պիտի քննարկենք։

Հովհաննես Գալստյան - Էդ նամակը Բուլղարիային ու Գերմանիային շատ կարևոր ա։ Ես կբերեմ հասցեները։

Շուշանիկ Միրզախանյան - Պետք ա ինձ տաս էդ ամեն ինչը, ես ասեմ դու ոչ մի բան չես ներկայացրել Հովիկ։

Հովհաննես Գալստյան - Իրանց շնորհակալություն եմ ուզում ասենք։

Շուշանիկ Միրզախանյան - Ու էս վիճակը եկել ա դրանից։

Լիլիթ Մակունց - Լավ մի հատ բան ասեմ, որ հետո էլ շփոթմունք չառաջանա էլի տիկին Միրզախանյան։ Դրանից հետո դուք աշխատում եք մոնիթորինգի հետ բյուջեի հետ կապված և գտնում, լուծում էդ մեխանիզմը։ Դրանից հետո, էդ պայմանգրերը, միևնույն ժամանակ, դրանից հետո չէ, միևնույն ժամանակ կազմում եք պայմանագիր, իրավական առումով համապատասխանեցնելով Հովհաննես Գալստյանի հետ և աշխատում եք։

***
Հգ․ Ձայնագրության այս հատվածը տալիս է բազմաթիվ հարցերի պատասխաններ։ Ավելի հստակ երաշխիք՝ ինձ, ավելի ուղիղ հանձնարարական՝ կինոկենտրոնին չի կարող լինել, բայց նախարարությունը էլի մանևրում է, «չի տեսնում», «չի լսում» այս ձայնագրությունը։ Սա ի՞նչ է, եթե ոչ պատերազմ։ Նախարարը հստակ երաշխիք է տալիս, ես դադարեցնում եմ հացադուլը, երաշխիքը դրժվում է։ Կա՞ այլ մեկնաբանություն»։